ԵՐԵՎԱՆ, 3 դեկտեմբերի — Sputnik. ԵՄ և «Արևելյան գործընկերության» որոշ երկրներ տրամադրված են այս ֆորմատը հակառուսական նպատակների համար օգտագործել, բայց դա հեռանկարային չէ: Այս մասին հայտարարել է Ռուսաստանի արտգործնախարար Սերգեյ Լավրովը, տեղեկացնում է ՌԻԱ Նովոստին:
Լավրովն ընդգծել է, որ Ռուսաստանը բարձր է գնահատում Բելառուսի կեցվածքն այս հարցում՝ չկիրառել «Արևելյան գործընկերությունը» Ռուսաստանի դեմ և բարելավել հարաբերությունները Եվրամիությունում:
«Այս հարցում մենք կասկած չունենք Բելառուսի, Հայաստանի և Ադրբեջանի նկատմամբ»,-ասել է ՌԴ ԱԳՆ ղեկավարը:
Ըստ նրա՝ ԵՄ ճնշող մեծամասնությունը հասկանում է, որ ԱՊՀ երկների հետ շփումներում հակառուսական բռնկումների փորձը անարդյուանվետ ու անհեռանկարային է:
«Մենք, իհարկե, տեսնում ենք, թե ինչպես են վարվում մեր ուկրաինացի, մոլդովացի և վրացի գործընկերները: Բայց կրկնում եմ ևս մեկ անգամ՝ նրանք հաջողության չեն հասնի, ու ես վստահ եմ, որ «Արևելյան գործընկերության» ամբողջ սխեման հնարավոր չէ հակառուսական հունով տանել», — ընդգծել է ՌԴ արտգործնախարարը:
Լավրովի խոսքով՝ Ռուսաստանը ափսոսում է, որ Եվրամիության հետ գործընկերության մասին պայմանագիրը սառեցվել է, բայց դա Ռուսաստանի մեղքով չէ եղել:
