ԵՐԵՎԱՆ, 2 դեկտեմբերի — Sputnik. Իրանական Մելլաթ բանկը նախատեսում է մասնակցել Հայաստանի զարգացման ծրագրերին, ուրբաթ ասել է բանկի գլխավոր տնօրեն Մոհամմեդ Բիգդելին, հաղորդում է ԻՌՆԱ-ն:
Բիգդելին Երևանում Իրանի դեսպան Քազեմ Սաջադիի հետ հանդիպման ժամանակ խոսել է Հայաստանի և Իրանի միջև առևտրատնտեսական հարաբերությունների ընդլայնման մասին՝ Մելլաթ բանկին կոչ անելով ակտիվացնել գործունեությունը Երևանում:
Հանդիպման ընթացքում իրանական դեսպանը հիշեցրել է Հայաստանի և Իրանի միջև աճող առևտրատնտեսական համագործակցության մասին և կոչ արել Մելլաթ բանկին զարգացնել գործունեությունը և ծառայություններ տրամադրել երկրի զարգացման համար, ներառյալ` հիդրոէլեկտրակայանների, արևային էլեկտրակայանների և այլ ենթակառուցվածքային նախագծերի զարգացումը:
Բիգդելին ասել է, որ Հայաստանում իրանցի առևտրականների և այլ եվրասիական պետությունների առկայության ակտիվացումը բանկի գործունեության աճի հիմնական պատճառներից է: Նա ավելացրել է, որ Հայաստանում Մելլաթ բանկի մասնաճյուղն արտասահմանում ամենաակտիվ դրամական և բանկային ինստիտուտներից է, և այն պատրաստ է ծառայություններ տրամադրել իրանցի առևտրականներին և ներդրողներին՝ տնտեսական հարաբերությունների զարգացմանն աջակցելու համար:
