ԵՐԵՎԱՆ, 2 դեկտեմբերի — Sputnik. Կինոյի և թատրոնի նշանավոր դերասան Օլեգ Տաբակովն անգիտակից վիճակում է, գրում է Mash ալիքը։ Աղբյուրի տվյալով՝ դերասանը կոմայի եզրին է։
«Նրա վիճակը ծանր է, սրվել են մի շարք հիվանդություններ», — գրում է Mash-ը` ավելացնելով, որ նրա ներքին ծնոտի կոտրվածքը բորբոքված է, և դերասանը թոքաբորբով է հիվանդ։
Ավելի վաղ հաղորդվել է, որ Տաբակովը տեղափոխվել է վերակենդանացման բաժանմունք՝ ծանր թոքաբորբի կասկածով։
Օլեգ Տաբակովը թատրոնի և կինոյի դերասան է, ռեժիսոր, մանկավարժ, ԽՍՀՄ ժողովրդական արտիստ, ԽՍՀՄ և ՌԴ պետական մրցանակների դափնեկիր։ 82-ամյա Տաբակովը երկար տարիներ ղեկավարում է Ա․ Չեխովի անվան Մոսկվայի գեղարվեստական թատրոնը։ Արտիստը նաև «Տաբակերկա» թատրոնի հիմնադիրն է և գեղարվեստական ղեկավարը։ Դերասանը դարձել է նաև ՌԴ նախագահին առընթեր Մշակույթի և արվեստի խորհրդի անդամ։
