ԵՐԵՎԱՆ, 1 դեկտեմբեր — Sputnik. Ռուսաստանի Դաշնության արտաքին գործերի նախարարությունը մեկնաբանել է Կիևում նոյեմբերի 30-ին անցկացված Սևծովյան տնտեսական համագործակցության խորհրդարանական վեհաժողովի նիստում ընդունված բանաձևի քննարկումներին հայկական պատվիրակության չմասնակցելու շուրջ ստեղծված սկանդալը:
«Ուկրաինական նախագահությունը գործնականում հեռացրել է հայ խորհրդարանականների պատվիրակությանը սկզբունքային բնույթ կրող հարցերին առնչվող հռչակագրի փոփոխությունների քննարկման համատեղ գործընթացից: Արդյունքում հայկական պատվիրակությունն ի նշան բողոքի ստիպված է եղել հեռանալ նիստերի դահլիճից:
Ակնհայտ է դառնում, որ Ուկրաինան չի կարողանում կատարել իր պարտականությունները որպես ՍԾՏՀ նախագահող երկիր, խախտվում են համընդհանուր ստանդարտները և բազմակողմանի կազմակերպությունների աշխատանքի սկզբունքները, չի ապահովվում միջոցառումներին պատվիրակությունների լիարժեք մասնակցությունը, խախտվում են պառլամենտարիզմի հիմնարար սկզբունքները», — ասվում է ՌԴ ԱԳՆ կայքում հրապարակված հայտարարության մեջ:
Հիշեցնենք, որ նախօրեին կայացած նիստում հակահայկական ձևակերպումներով բանաձև է քննարկման դրվել, որին չի հրավիրել Հայաստանի Հանրապետության պատվիրակությանը:
