ԵՐԵՎԱՆ, 1 դեկտեմբերի— Sputnik. 2018 թվականին Հայաստանում փոքր բիզնեսի համար կավելացնեն անանուն (առանց անունի գործընկերոջ հետ) գործարքների հարկերը` 11–ից մինչև 20%։ Այս դրույթը ուժի մեջ կմտնի 2018 թվականին` Հարկային օրենսգրքի համաձայն։
Միջին ու խոշոր բիզնեսը (ԱԱՀ ու եկամտահարկի վճարողները) պարտավոր են կազմել միայն երկկողմանի հաշիվ–ֆակտուրաներ։ Այսինքն` գրել ոչ միայն այն, ինչ ու ինչքան են գնել ու վաճառել, այլ ումից են գնել ու ում են վաճառել։ «Կույր» (միակողմանի) գործարքները թույլատրվում են միայն խիստ սահմանափակ չափերով` 30 միլիոն դրամից ոչ ավել և մեկ գործարքի ընթացքում ոչ ավել քան 300 հազար դրամի չափով։ Մնացած այլ գործարքների դեպքում եկամտահարկ է պետք վճարել։
Բայց փոքր բիզնեսը մի կողմ դրեցին։ Շրջանառության հարկի վճարողները պարտավոր են նշել միայն իրենց ընդհանուր, բայց ոչ գործընկերների շրջանառության չափը։ Այստեղ կորում է մի քանի հետք, որոնք հարկայինն ուզում է բացահայտել։
Փոքր խանութների ու արտադրությունների համար դա գոյատևելու լավ միջոց է։ Քանի որ խոշոր հիմնարկությունները հաճախ համաձայնում են միայն «սևով» աշխատել։ Հակառակ դեպքում, Հայաստանում սահմանափակ մրցակցության դեպքում ստացվում է, որ չկա մատակարար` չկա բիզնես։
Հիմա հարկային ծառայությունն ուզում է այդպիսի գործարքները ոչ շահավետ դարձնել` որպեսզի բիզնեսը դրանցից ստիպված հրաժարվի։
2018 թվականին «ճշմարտության ժամը» կգա հարյուրավոր հիմնարկների համար, որոնց եկամտահարկից կանցկացնեն ԱԱՀ–ի։ Այդ հարկերը բաժանող սահմանը կիջեցնեն տարեկան 110 միլիոն դրամից մինչև 58,35 միլիոն դրամ։
