ԵՐԵՎԱՆ, 30 նոյեմբերի — Sputnik. Հանրահայտ շոումեն և հաղորդավար Գարիկ Մարիտիրոսյանի կինը վստահեցնում է, որ հայկական խաղողը կախվածություն է առաջացնում։
«Զգուշացե՛ք․ հայկական խաղողը կախվածություն է առաջացնում։ Եթե շուկայում ձեզ մոտենում է թխահեր տղամարդ՝ պատկառելի չափերի քթով, անդիմադրելի հմայքով ու թավշյա առոգանությամբ և ուզում է ձեզ առաջարկել անվճար ընտիր խաղող, մի տրվեք այդ գայթակղությանը։ Նա բրուտալ-խարիզմատ դիլեր է։ Ուզում է ձեզ «նստեցնել» այդ սարսափելի համեղ մրգի վրա»,- Instagram-ի իր էջում գրել է Լրինան։
Նա իր հրապարակած լուսանկարի տակ հորդորել է վազել դեպի չինական ու թուրքական մրգեր, քանի որ «դրանք ավելի անվտանգ են»։
«Բայց եթե Դուք անուղղելի քաղցրակեր եք ու չեք կարողացել դիմանալ արմենմենի ճնշմանը, ուրեմն վերջ. դուք թմրամոլ եք։ Հավատացեք ինձ, ես կարող եմ ձեզ հետ խոսել այդ մասին, քանի որ ինքս եմ անցել դրա միջով»,- նշել է Մարտիրոսյանի կինը։
Նա ընդգծել է, որ արդեն 20 տարի է՝ պայքարում է դրա դեմ։
«Լավ է, որ ինձ այդ հարցում օգնում է իմ ընտանիքը։ Ու մենք տանը սեղանի վրա միշտ ունենք հայկական խաղողի մի չափաբաժին»,- եզրափակել է Լևինա-Մարտիոսյանը։
Վերջում նա հետգրություն է թողել` կատակով նշելով, որ գովազդի հովանավորը վաճառական Արմենն է՝ Մոսկվայի կենտրոնական շուկայից։
