Հայաստանն ու Հունաստանը համատեղ ծրագիր են գործարկում ռազմական ոլորտում

ԵՐԵՎԱՆ, 30 նոյեմբերի — Sputnik. Հայաստանի և Հունաստանի ռազմական համագործակցության ծրագիրը ստորագրվել է երեքշաբթի Աթենքում։ Այս մասին հայտնում է «Ռուսներն Աթենքում» կայքը` հղում անելով Tovima-ին։

Ծրագրով նախատեսվում է համատեղ գործողություններ իրականացնել հատուկ ուժերի կազմում սպաների անհատական ուսուցման ոլորտում։

Ռազմական համագործակցության մասին համաձայնագիրը ստորագրել են Հունաստանի Ազգային պաշտպանության գլխավոր շտաբի միջազգային հարաբերությունների վարչության պետ Միլտիադիս Գրիլակիսն ու ՀՀ պաշտպանության նախարարության Պաշտպանական քաղաքականության վարչության պետ Լևոն Այվազյանը։