ԵՐԵՎԱՆ, 29 նոյեմբերի — Sputnik. Լեհաստանի մաքսային ծառայության աշխատակիցները հերթական անգամ մաքսանենգ ծխախոտ տեղափոխելու համար հայ են ձերբակալել: Ինչպես հայտնում է Օլշտին քաղաքի ռադիոկայանը, օրինախախտը կրկին փորձել է Կալինինգրադի մարզից ծխախոտ բերել (Ռուսաստանում ծխախոտն ավելի մատչելի է, քան Արևմուտքում):
Տղամարդը (ում անունը չեն հրապարակում) Լեհաստանում ժամանակավոր կացության քարտ ունի և ապրում է Օլշտինում: Ձեռնտու առևտուրը նա լավ է յուրացրել։ Նա պարտաճանաչ կերպով «գործի» է դուրս գալիս, կարծես աշխատանքի է գնում: Նրան տասն օրը մեկ բռնում են:
Վերջին անգամ նրան ձերբակալել են Ռուսաստանի Մամոնովոյից Լեհաստանի Գժեխոտկի սահմանային անցման վրա: Երբ մաքսային ծառայության աշխատակիցները մի կողմ քաշեցին կասկածելի ավտոմեքենան և սկսեցին հանել անվադողերը, նրանց վրա ծխախոտի տուփեր թափվեցին (որերորդ անգամ): Ավելի քան 250 ծխախոտի տուփ կար այնտեղ:
Հերթական անգամ ավտոմեքենան առգրավեցին: Ստուգվում են նաև տղամարդու նախկինում կատարված խախտումները:
