Մինչդեռ, ՀՀ Փաստաբանների պալատն օրինագծի վերաբերյալ փոփոխությունների առաջարկներ է ներկայացրել, որոնց ճակատագիրն այս պահին անհայտ է մնում։ Օրինագծի քննարկման և առաջարկների ընդունման հնարավոր սցենարի մասին Sputnik Արմենիան զրուցել է ՀՀ Փաստաբանների պալատի իրավական հարցերով փորձագետ, փաստաբան Արտաշես Խալաթյանի հետ։ «Ինձ համար անհասկանալի է արտահերթ նիստում օրինագիծը քննարկելու այդ շտապողականությունը։
Ավելի լավ կլիներ շարունակել փորձագիտական քննարկումները և մեր կողմից առաջարկված լրացումները քննարկել նախքան ԱԺ մտնելը»,–ասում է Արտաշես Խալաթյանը։
Այդուհանդերձ, նա հույս հայտնեց, որ մինչև դեկտեմբերի 16-ը ԱԺ համապատասխան հանձնաժողովը քննարկում կհրավիրի, որի ընթացքում կներկայացվեն նաև Փաստաբանների պալատի ներկայացրած քննարկումները, եթե, իհարկե, ԱԺ–ը չորոշի քվեարկությունն անցկացնել 24-ժամյա ռեժիմով։
