ԵՐԵՎԱՆ, 29 նոյեմբերի — Sputnik. Google Play-ի հավելվածներից մեկը չարագործներն օգտագործել են «ВКонтакте»-ի հայ օգտատերերի տվյալները գողանալու համար, հայտնում է «Կասպերսկու լաբորատորիայի» մամուլի ծառայությունը:
«Կասպերսկու լաբորատորիայի» փորձագետները վերջին երկու ամսում միայն Google Play-ում հայտնաբերել են 85 վնասակար հավելված, որոնք օգտագործվել են հետխորհրդային երկրներում «ВKонтакте» սոցցանցի օգտատերերի տվյալները գողանալու համար: Ամենատարածված հավելվածը ներբեռնվել է ավելի քան 1 միլիոն անգամ: Եվս 7 հավելված ներբեռնվել է 10.000-ից 100.000 անգամ:
Ընկերությունը «ВKонтакте»–ի և Google-ի ղեկավարությանը տեղյակ է պահել սպառնալիքի մասին։ Այս պահին բոլոր հայտնաբերված վնասակար հավելվածները հեռացվել են Google Play–ից:
«Կասպերսկու լաբորատորիայի» տեղեկությունները քողարկվել են, օրինակ, սոցցանցից երաժշտություն բեռնելու, դիտումները տեսնելու և այլ հնարավորությունները: Այդ պատճառով էլ օգտատերերը կասկածներ չեն ունեցել, երբ նրանցից պահանջվել են սոցցանցի մուտքի տվյալները:
Սակայն վերոնշյալ հավելվածը, որը ներբեռնվել է ավելի քան 1 միլիոն անգամ, բջջային խաղ է: Ընդ որում, իսկզբանե այն վնասակար կոդ չէր պարունակում, այն ավելացվել է 2017 թվականի հոկտեմբերին թարմացված տարբերակներից մեկի հետ:
Չարագործները հաշվի էին առել սոցցանցի լսարանի յուրահատկությունները։ Խաղը տարածված է նախևառաջ հետխորհրդային տարածքում, այդ պատճառով հավելվածը տվյալներ է գողացել միայն որոշ լեզուներով՝ ռուսերեն, բելառուսերեն, ուկրաիներեն, ղազախերեն, հայերեն, ադրբեջաներեն, ղրղզերեն, ռումիներեն, տաջիկերեն և ուզբեկերեն սարքերից:
Վերլուծաբանները կարծում են, որ չարագործները գողացված տվյալները գլխավորապես օգտագործում էին «ВКонтакте»-ում խմբերի գովազդի համար: Հարձակման ենթարկված օգտատերերից մի քանիսը բողոքել են, որ իրենք որոշակի էջերի բաժանորդներ են դարձել առանց տեղյակ լինելու:
«Հիմնական հետևությունը, որը կարող ենք անել` կիբեռսպառնալիքները հետապնդում են մեզ ամեն քայլափոխի: նույնիսկ ամենավստահելի և ստուգված աղբյուրը կարող է վարակի պատճառ դառնալ: Իհարկե, դա չի նշանակում, որ նման աղբյուրներից ընդհանրապես օգտվել չի կարելի: Պարզապես պետք է մշտապես զգոն լինել և ուշադրություն դարձնել, թե ում եք վստահում ձեր տվյալները», — նշել է «Կասպերսկու լաբորատորիայի» հակավիրուսային փորձագետ Ռոման Ունուչեկը:
«ВKонтакте»-ի մամուլի ծառայության ղեկավար Եվգենի Կրասնիկովն իր հերթին նշել է, որ նրանք վնասակար ծրագրեր հայտնաբերելիս միշտ բողոք են ներկայացնում հավելվածների խանութ:
«Բացի այդ, մենք հիշեցնում ենք օգտատերերին, որ չօգտագործեն կասկածելի ծրագրեր և այնտեղ չլրացնել սոցցանց մուտքի համար տվյալներ», — ասել է Կրասնիկովը:
«ВКонтакте» կայքը հասանելի է մի շարք լեզուներով, այդ թվում` հայերեն: Այն հատկապես տարածված է ռուսախոս օգտատերերի շրջանում:
