Դեկտեմբերի 4-9-ը ՅՈՒՆԵՍԿՕ-ի ոչ նյութական մշակութային ժառանգության պահպանության միջկառավարական հանձնաժողովի նիստում քննարկվելու է հայկական տոլման որպես ադրբեջանական գրանցելու՝ Ադրբեջանի հայտը։ «Խոհարարական ավանդույթների զարգացման և պահպանման» հասարակական կազմակերպության նախագահ Սեդրակ Մամուլյանն այս առիթով շեշտում է, որ այդ կազմակերպությունն արբիտրաժային դեր չունի և դրա որոշմամբ չի պայմանավորված հայ ազգային արժեքների պահպանումն ու տարածումը Հայաստանում ու աշխարհում:
ՙԱշխարհում խոհանոցով զբաղվող շատ քիչ մասնագետներ կան, որ տոլմայի հայկական պատկանելության մասին որևէ կասկած ունեն, և ՅՈՒՆԵՍԿՕ-ն որոշում կայացնելիս, նախ պետք է իր վարկանիշի մասին մտածի՚,- ասաց Մամուլյանը:
Եվ, այդուհանդերձ, Սեդրակ Մամուլյանը չի բացառում, որ ՅՈՒՆԵՍԿՕ-ն կընդառաջի Ադրբեջանին՝ հատկապես, որ նրա խոսքով, այդ կազմակերպության ամենամեծ դոնորները Ադրբեջանն ու Թուրքիան են։
