ԵՐԵՎԱՆ, 29 Նոյեմբեր — Sputnik. ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ 1-ին դասարանի աշակերտին ծեծի ենթարկելու դեպքի առթիվ: Քննության ընթացքում պարզվել է, որ հանձնարարությունը ոչ բավարար չափով կատարելու համար Վանաձորի թիվ 22 դպրոցի դասվարը քաշել է երեխայի ականջը և ապտակել նրան: Հայտնում է քննչական կոմիտեի մամուլի ծառայությունը։
Դեպքը տեղի էր ունեցել ս.թ. փետրվարին։ Այդ օրերին մամուլում հայտնված տեղեկություններով, դասվարն այնպես էր գոռացել, որ «երեխան վախից միզել էր»։
Դեպքից 10 ամիս անց, ծեծի հատկանիշներով հարուցված քրեական գործով նախատեսվում է տուգանք կամ կալանք՝ առավելագույնը երկու ամիս ժամկետով:
