ԵՐԵՎԱՆ, 29 նոյեմբերի — Sputnik. Ոստիկանության Արթիկի բաժնի հետաքննչական բաժանմունքում հետաքննություն է սկսվել ծեծկռտուքի փաստով: Այս մասին հայտնում է shamshyan.com-ը:
«Ոստիկանության Արթիկի բաժին ահազանգ է ստացվել, որ Անկախության փողոցի թիվ 36 շենքի մոտ ծեծկռտուք է տեղի ունեցել Արթիկ քաղաքի բնակիչներ 47-ամյա Արտակ Գրիգորյանի, 39-ամյա Ղևոնդ Գրիգորյանի, 30-ամյա Մխիթար Տոնականյանի և 52-ամյա Թորգոմ Տոնականյանի միջև»,- հայտնում է կայքը:
Արթիկի ոստիկանները պարզել են, որ վիճաբանության ժամանակ Մ. Տոնակայանը հարվածել է նաև Ա. Գրիգորյանին պատկանող Mitsubishi Pajero մակնիշի ավտոմեքենային, իսկ հետո էլ հարվածել Ա. Գրիգորյանի մարմնի տարբեր մասերին: Ըստ տեղեկությունների՝ Ա. Գրիգորյանին, որն Արթիկի քաղաքապետարանի ներքին աուդիտի բաժնի պետն է, տրվել է դատաբժշկի ուղեգիր:
