Դեկտեմբերի 16-ին ՀՀ ԱԺ-ն կառավարության առաջարկով արտահերթ կարգով քննարկելու է Ընտանեկան բռնությունների մասին օրենքի օրինագիծը։ ՀՀ Փաստաբանների պալատի իրավական հարցերով փորձագետ, փաստաբան Արտաշես Խալաթյանի կարծիքով, ներկա տեսքով ընդունվելու դեպքում օրենքը ոչ թե լուծելու է առկա խնդիրները, այլ նոր վեճեր է առաջացնելու ընտանիքներում։
«Սա ընտանեկան համերաշխությանը միտված օրինագիծ է, բայց բերելու է ընտանեկան վեճերի, տարաձայնությունների աճի։ Մարդիկ ընտանիքում երբեմն ունենում են տարաձայնություններ, որոնք տեղափոխել իրավական դաշտ, նշանակում է հանգեցնել իրավակիրառ անկանխատեսելի պրակտիկայի»,- ասում է Խալաթյանը։
Իսկ նման իրավիճակի համար հետագայում, օրենքի ընդունումից հետո, փաստաբանի դիտարկմամբ, պատասխանատուն կլինեն ոչ թե իրավապահները կամ լիազոր մարմինը, որն օրենքով իրավասու կլինի կիրառել օրենքը, այլ այն ընդունած մերօրյա Ազգային ժողովը։
