Դեկտեմբերի 16-ին ԱԺ արտահերթ նիստում քննարկման դրված «Ընտանեկան բռնության մասին» օրենքի նախագիծը մտահոգությունների տեղիք է տալիս։
«Ինչպես նախկինում, այնպես էլ հիմա, նպատակը մնացել է նույնը, քանզի վերնագրում փոփոխություն անելը, ենթադրենք`ընտանիքում համերաշխության վերականգնման մասին հայտարարություն անելը դեռևս չի նշանակում, թե փոխվում է օրենքի կարգավորման առարկան և նպատակը»,- ասում է «Հանուն ինքնիշխան վերականգնման» նախաձեռնության համակարգող Հայկ Նահապետյանը։
Օրենքի նախագծի տրամաբանությունն, ըստ նրա ուղղված է բացառապես բռնության հետևանքների վերացմանը և ոչ կանխարգելմանը։
Նահապետյանին առավելապես անհանգստացնում են օրինագծում տնտեսական և հոգեբանական բռնությունների մասին դրույթները, որոնք նրա դիտարկմամբ իրավապահներին հնարավորություն են տալիս միջամտելու ընտանիքի միջանձնային հարաբերություններին։
