ԵՐԵՎԱՆ, 28 նոյեմբերի — Sputnik. Հայերը խաղաղասեր, հպարտ ու պոետիկ ժողովուրդ են, որոնք հարգում են իրենց ավանդույթներն ու հարյուրամյակներով ապրում են ուկրաինական հողի վրա, գրել է «Հայկական Ուկրաինա. Ինչպես է ազգը պահպանում կապը հայրենիքի ու ավանդույթների հետ» հոդվածի հեղինակ Մարգարիտա Օրմոցաձեն realist.online հարթակում։
«Իմ ցավը քո ցավն է»։ Այս հնագույն հոգևոր սկզբունքը հայ ժողովրդի մշակույթի հիմքերից է։ Հայերը դարերով ձեռք-ձեռքի ապրում են ուկրաինացիների հետ։ Յուրաքանչյուր հայի համար կապն իր հողի ու իր ավանդույթների հետ սրբազան պատմություն է, որը նրանք այս կամ այն չափով պահպանում են Ուկրաինայում:
Հեղինակի խոսքով` խոսելով Հայաստանի ու Ուկրաինայի մասին, առաջին հերթին հիշում են անմահ ռեժիսոր Սերգեյ Փարաջանովին, նկարիչ Իվան Այվազովսկուն, մեր ժամանակակից, ռեժիսոր Ռոման Բալայանին, օպերային երգչուհի Սուսաննա Չախոյանին։
«Ուկրաինայում մի քանի կենտրոն կա, որտեղ հնուց ի վեր հայեր են ապրել։ Դա Կամենեց Պոդոլսկն է, Լվովը, Օդեսան, Կիևը։ XIV դարի երկու ամենահին հայկական տաճարները Լվովի Աստվածածնի վերափոխման հայկական Մայր տաճարն է և Բելգորոդ-Դնեստրովսկի հայկական եկեղեցին», — ասվում է հոդվածում։
Օրմոցաձեն նաև նշում է, որ հայերի նախահայր Հայկը աստվածաշնչային Նոյ նահապետի որդու ուղիղ ժառանգն է։
