ԵՐԵՎԱՆ, 28 նոյեմբերի — Sputnik. Ռուսաստանի նախագահ Վլադիմիր Պուտինն ընդունել է Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովին: Այս մասին նշված է Կրեմլի պաշտոնական կայքում:
Որպես ՀԱՊԿ գլխավոր քարտուղար՝ Խաչատուրովի առաջին հանդիպումը Պուտինի հետ տեղի է ունեցել Կրեմլում:
Նոյեմբերի 30-ին Մինսկում տեղի է ունենալու ՀԱՊԿ անդամ պետությունների գագաթնաժողովը: Հանդիպման նախաշեմին Խաչատուրովն այցելում է կազմակերպության անդամ-պետություններ:
Խաչատուրովը ՀԱՊԿ գլխավոր քարտուղար է նշանակվել 2017 թվականի ապրիլի 14-ին՝ երեք տարի ժամկետով:
