ԵՐԵՎԱՆ, 27 նոյեմբերի — Sputnik. Բրիտանական «Sky Sports»-ի փորձագետ Պոլ Մերսոնը խոսել է «Մանչեսթեր Յունայթեդում» Հենրիխ Մխիթարյանի գտնվելու նպատակահարմարության մասին: Այս մասին գրում է Armsport.am-ը:
Նա նաև անդրադարձել է մանչեսթերցիների գլխավոր մարզիչ Ժոզե Մոուրինյուի հայտարարությանը:
«Կարծում եմ, որ Մխիթարյանն ավելի լավ էր խաղում մրցաշրջանի մեկնարկում, երբ Պոգբան թիմում էր: Կարծում եմ՝ նրանք լավ են համագործակցում:
Միկին մի քիչ անհաջողակ է, ես նրա մեծ երկրպագուն եմ: Սակայն Մոուրինյուի այդ հայտարարությունից հետո շոկի կենթարկվեմ, եթե հունվարին նա չլքի այդ ակումբը»,- ասել է Մերսոնը:
Հիշեցնենք, որ անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն ասել է, որ ընթացիկ մրցաշրջանում Հենրիխ Մխիթարյանը լավ էր մեկնարկել, սակայն հետո իջեցրել է ելույթների մակարդակը:
«Ինձ դուր չեկան Մխիթարյանի ելույթները վերջին խաղերում: Խոսքը 2-3 հանդիպման մասին չէ, այլ 3-5: Նա լավ սկսեց մրցաշրջանը, սակայն հետո սկսեց աստիճանաբար անհետանալ»,- ասել է Մոուրինյուն:
