ԵՐԵՎԱՆ, 26 նոյեմբերի — Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ հրաժարական կտա, եթե ընդդիմությունը ապացուցի, որ ինքը կամ իր ընտանիքի անդամները բանկային հաշիվներ ունեն արտասահմանում, գրում է ՌԻԱ Նովոստին:
Ավելի վաղ Թուրքիայի ընդդիմադիր Ազգային Հանրապետական կուսակցության ղեկավար Քեմալ Քըլչդարօղլուն հայտարարել էր, որ Էրդողանի հարազատները միլիոններ են պահում օֆշորներում:
Էրդողանի ղեկավարած Արդարություն և զարգացում կուսակցությունը արգելափակել էրց թուրքական խորհրդարանում վարչապետ Բինալի Իլդիմիրի որդիների՝ օֆշորում ներգրաված լինելու մասին քննարկումը:
Քըլչդարօղլուն քննադատել էր խորհրդարանի կեցվածքը և խորհուրդ տվել նախագահ Էրդողանին սեփական ունեցվածի մասին տեղեկություն հրապարկել, քանի որ, քաղաքական գործչի խոսքով, նախագահի հարազատներն ու մտերիմները միլիոններ են պահում օֆշորային գոտիներում:
«Եթե Թայիփ Էրդողանը օֆշորներում մեկ դոլար ունի, ապա նա (Քըլչդարօղլուն) պետք է ապացուցի դա: Եթե ապացուցեց, ես մի վայրկյան անգամ չեմ մնա նախագահի պաշտոնում: Թող ասի, թե որ արտասահմանյան բանկում Էրդողանն ունի հաշիվ: Եթե չապացուցի, ուրեմն թող ինքը հեռանա քաղաքականությունից»,-Էրդողանի խոսքերն է մեջբերում Hurriet-ը:
Երկրի ղեկավարի փաստաբանները ընդդիմադրի դեմ հայց հարուցելու համար դիմել են դատարան, որպեսզի նա Էրդողանին 380 հազար դոլար փոխհատուցում վճարի:
