ԵՐԵՎԱՆ, 26 նոյեմբերի — Sputnik. Նոյեմբերի 26-ին, ժամը 10։30-ի սահմաններում Ճանապարհային ոստիկանությունը ծառայություն կատարելու ժամանակ Երևան-Արմավիր ավտոճանապարհի Մրգաշատ գյուղի խաչմերուկում, Daewoo մակնիշի 226 ԼP 61 համարանիշի ավտոմեքենայի մեջ՝ ղեկի առջև, գտել են տղամարդու դի։ Այս մասին տեղեկացնում է Shamshyan.com-ը:
Դեպքի վայր է ժամանել նաև դատական բժիշկը, ով, զննելով դին, նախնական եզրակացությամբ հայտնել է, որ վարորդը՝ Արմավիրի մարզի բնակիչ, 57-ամյա Համլետ Խ.-ն, հանկարծամահ է եղել։
Նախնական եզրակացության համաձայն՝ դիակի վրա բռնության հետքեր չեն հայտնաբերվել։
Նշանակել են մի շարք փորձաքննություններ, այդ թվում՝ դիակի դատաբժշկական։
