Վիգեն Հակոբյան
Հակոբյանի կարծիքով, ԵՄ հետ «Համապարփակ և ընդլայնված գործընկերության համաձայնագիրը» ոչ թե պարտադրված էր Հայաստանին, այլ դեռևս 2000-ականների սկզբից Հայաստանի իշխանությունների որդեգրած կոմպլեմենտար քաղաքականության դրսևորումներից մեկն է։
«Դրա նպատակն է դիվերսիֆիկացնել ՀՀ արտաքին քաղաքականության ուղղությունները` փորձելով հնարավորինս ավելացնել մանևրելու հնարավորությունները»,- ասաց Հակոբյանը։
Փորձագետի խոսքով, այսօր աշխարհն առավել պրագմատիկ է դարձել, և բոլորն էլ հասկանում են, որ «կամ-կամ»-ի կոշտ քաղաքականությամբ որևէ հարց չի լուծվում։
