ԵՐԵՎԱՆ, 24 նոյեմբեր — Sputnik. ԵՄ-ն հարգում է Արևելյան գործընկերության երկրների քաղաքական ընտրությունը։ Այդ մասին ասվում է Բրյուսելում տեղի ունեցած գագաթնաժողովի հետո հրապարակված պաշտոնական հաղորդագրության մեջ, հայտնում է ՌԻԱ Նովոստին։
ԵՄ-ն գնահատում է Մոլդովայի, Վրաստանի և Ուկրաինայի հետ ասոցացման, ինչպես նաև խորը և ընդլայնված ազատ առևտրի մասին համաձայնագրերի ուժի մեջ մտնելը։
Արևելյան գործընկերության վեց երկրներում եվրաինտեգրման սանդղակը եզրափակում են Բելառուսն ու Ադրբեջանը, որոնք նման փաստաթուղթ չեն ստորագրել։
ՀՀ նախագահ Սերժ Սարգսյանը Բրյուսել է մեկնել աշխատանքային այցով։ Ակնկալվում է, որ գագաթնաժողովին ստորագրվելու է ՀՀ-ԵՄ համապարփակ և ընդլայնված գործընկերության մասին համաձայնագիրը։
