ԵՐԵՎԱՆ, 24 նոյեմբերի — Sputnik. Նոյեմբերի 23-ին` Գոհաբանության օրը, պապարացիները Spice Girls-ի նախկին մեներգչուհի Մել Բիին ու նրա սիրեցյալ Հարի Մադաթյանին նկատել են Լոս Անջելեսի օդանավակայանում։Ավելի վաղ Մել Բին ասել էր, որ Հարի Մադաթյանն իր կյանքի սերն է, Հարին էլ իր հերթին խոստովանել էր, որ ամուսնացել է Մել Բիի հետ։
Հարի Մադաթյանը և Մել Բին
© Sputnik / Karen Yepremyan
Երգչուհին այս տարվա սկզբին բաժանվել էր 42 տարեկան Ստեֆան Բելաֆոնտից։ Նա ունի երեք դուստր` 18 տարեկան Ֆենիկսը ծնվել է Ջիմ Գալզերի հետ ամուսնությունից, 10 տարեկան Էնջելը` դերասան Էդդի Մերֆիի, իսկ 6 տարեկան Մեդիսոնը` Ստեֆանի հետ ամուսնությունից։
ԶԼՄ-ների տվյալով, Հարին սովորել է ԵՊՀ-ում, իսկ այսօր Բևեռլի Հիլզի գեղեցկության սրահներից մեկի սեփականատերն է։
