ԵՐԵՎԱՆ, 23 նոյեմբերի — Sputnik. ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է ԶԼՄ–ների այն մեկնաբանություններին, համաձայն որոնց ՌԴ ԱԳՆ նախարար Սերգեյ Լավրովը երևանյան այցի ժամանակ փոխանցել է արցախյան կարգավորման վերաբերյալ ՌԴ նախագահ Վլադիմիր Պուտինի «պլանը», գրում է «ՌԻԱ Նովոստին։
Ավելի վաղ ադրբեջանական ԶԼՄ–ները գրում էին, որ Լավրովը տարածաշրջանային իր այցի ժամանակ արցախյան կարգավորման «Պուտինի պլանն» է բերել։
«Ես դա մի ձև կմեկնաբանեմ. մենք միշտ բոլորին խորհուրդ ենք տալիս,.պահպանելով լուրերի ներկայացման ստեղծագործական մոտեցումը, ամեն դեպքում սկզբնաղբյուրին դիմել։ Դուք ճիշտ ասացիք, որ այդ թեման բազմիցս մեկնաբանվել է, մենք մեկնաբանել ենք այդ այցերը նախօրոք, դրանց ընթացքում ու հետո։ Ու այդ հարցին միանշանակ պատասխանել ենք», – ասել է Զախարովան ճեպազրույցի ժամանակ։
Նա նշել է, որ Ռուսաստանի ԱԳ նախարարը միշտ մանրամասնորեն պատասխանում է առաջադրված հարցերին։
