ԵՐԵՎԱՆ, 23 նոյեմբերի — Sputnik. ՀՀ ԶՈւ մայոր, մարզիկ Սարգիս Ստեփանյանը դարձավ բազկամարտի աշխարհի չեմպիոն` հաշմանդամություն ունեցող անձանց մրցումներում։ Այդ մասին Ստեփանը գրել է Facebook–ի իր էջում։
Սարգիս Ստեփանյանը վիրավորվել է 2014թ.–ին, ադրբեջանական դիվերսիայի հետևանքները վերացնելու ընթացքում, երբ վիրավոր ընկերոջ կյանքն էր փրկում ականապատ դաշտից։ Նրա 2 ոտքն ու մի ձեռքն ամպուտացիայի են ենթարկել։
Հայ մարզիկը 2 ոսկե մեդալ է շահել 75 և 80 կգ քաշային կարգերում, նաև դարձել է բրոնզե մեդալակիր` ծանրորդների շրջանում։
Բազկամարտի աշխարհի առաջնությունն ընթացել է նոյեմբերի 18–ից 21–ը լեհական Ռումիա քաղաքում։
