ԵՐԵՎԱՆ, 22 նոյեմբերի — Sputnik. ՀՀ արտակարգ իրավիճակների նախարարությունը տեղեկացնում է, որ ժամը 18:30-ի դրությամբ ՀՀ տարածքում բոլոր ավտոճանապարհներն անցանելի են: Հանրապետության ողջ տարածքում սպասվում են տեղումներ` հիմնականում ձյան տեսքով։
Այս պահին արդեն ձյուն է տեղում Շիրակի, Գեղարքունիքի, Արագածոտնի, Կոտայքի, Լոռու, Տավուշի, Վայոց Ձորի և Սյունիքի լեռնային բնակավայերում։ Նշված հատվածներում սպասվում է նաև բուք, ցածր հորիզոնական տեսանելիություն, ճանապարհներին` մերկասառույց։
Սպասվող անբարենպաստ եղանակային պայմաններից ելնելով` ԱԻՆ-ը բոլոր վարորդներին հորդորում է նշված մարզերում երթևեկել բացառապես ձմեռային անվադողերով։
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար:
