Աշխարհահռչակ երգիչ Դմիտրի Խվորոստովսկու մահը շատ մեծ կորուստ է ոչ միայն երաժշտական աշխարհի, այլև բոլոր այն մարդկանց համար, ովքեր ճանաչում էին նրան։ Sputnik Արմենիային հետ զրույցում ասաց աշխարհահռչակ թավջութակահար Նարեկ Հախնազարյանը։
«Դիման այն եզակի դեպքն էր, երբ մի մարդու մեջ համադրվում էր և՛ հանճարեղ երաժիշտը, և՛ մաքուր, բարի, ժպտերես, հումորով մարդը, որին սիրում էին բոլորը, որը լույսով էր լցնում իր շրջապատը»,- ասաց Հախնազարյանը։
Երաժիշտն ափսոսանքով խոսեց նաև Խվորոստովսկու ստեղծագործական կյանքի անավարտ մնալու մասին` միաժամանակ ընդգծելով, որ թեև նա շատ բան չհասցրեց անել, բայց նաև ստեղծագործական ժառանգություն մեծ թողեց։ Խվորոստովսկու անկրկնելի ձայնը կշարունակի ապրել բազմաթիվ ձայնագրություններում, որոնք նրանից հետո էլ դեռ շարունակելու են հիացնել սերունդներին։
