Դեկտեմբերի 1-ին Գյումրիում «Գարի Քյոսայան» ջազ քառյակով հանդես կգա բարեգործական համերգով, որի ողջ հասույթը կտրամադրվի «Հայկական Կարիտաս» բարեսիրական ՀԿ-ի «Տնային խնամք» և «Փոքրիկ Իշխան» ծրագրերին:
Անդրադառնալով համերգին, Գարի Քյոսայանն ասել է, որ այն իր համար ևս երկար սպասված համերգ էր:
«Սրտանց եմ գալիս Գյումրի և սրտանց պիտի կատարեմ լավագույն ստեղծագործություններս։ Գյումրին ինձ համար միշտ եղել է մի հեքիաթային քաղաք իր մարդկանցով, իր հումորով, իր նիստուկացով»,- ասել է Քյոսայանը։
Արմատներով գյումրեցի արվեստագետը նույնիսկ առաջարկել է Գյումրին դարձնել ՀՀ մայրաքաղաք և այժմ սպասում է իշխանությունների արձագանքին`պատմելով, որ ժամանակին իր հայրն է երազանք ունեցել Գյումրիում դաշնամուրի գործարան հիմնել, բայց գործարանը կառուցվել է Երևանում և առաջին տնօրենը եղել է իր հորեղբայրը։
