ԵՐԵՎԱՆ, 22 նոյեմբերի — Sputnik. Գեներալ Ռատկո Մլադիչը ցմահ ազատազրկման է դատապարտվել Բոսնիայում իրականացրած հանցագործության համար, հայտնում է ՌԻԱ Նովոստին։
Բոսնիայի պատերազմի ժամանակ Մլադիչը ղեկավարել է ինքնահռչակ Սերբիայի Հանրապետության շտաբը։ 2011 թվականին նրան ձերբակալել են Սերբիայում և արտահանձնել Հաագային, որտեղ նրան մեղադրել են Սարաևոյի 4 տարվա պաշարման ժամանակ, ինչպես նաև Սրեբրենիցայում հազարավոր խաղաղ բնակիչների սպանության մեջ։
Նշենք, որ Հարավսլավիայի տրիբունալը հետևողականորեն անհաշտություն է դրսևորում սերբական կողմի ներկայացուցիչների հետ (մեկ այլ օրինակ`Ռադովան Կարաջիչի դատավճիռը 2016 թվականին 40 տարի ժամկետով) և հետևողականորեն լիբերալ դիրքորոշում` բոսնիացի մահմեդականների ներկայացուցիչների նկատմամբ։
Պաշարված Սրեբրենիցայի շուրջ ծավալված իրադարձությունների գործով մեղադրվում էր նաև Բոսնիայի հրամանատարներից մեկը` Նասեր Օրիչը։ 2004 թվականին Հաագայի դատարանը նրան մեղադրեց Սերբիայի բնակչության նկատմամբ պատերազմական հանցագործություններ իրականացնելու մեջ։ 2008 թվականին Օրիչին լիովին արդարացրին, դրանից երեք տարի առաջ էլ արդարացրել էին բոսնիական զորքերի Գլխավոր շտաբի պետ Սեֆեր Խալիլովիչին:
Մլադիչի գործի ավարտն այսօր լուսաբանող միջազգային ԶԼՄ-ներից շատերը չեն նշել այդ փաստերը։
Ազատ արձակածների թվում էր նաև Ռամուշ Հարադինայը, որին արդարացրել էին նույն 2008 թվականին։ Նրան ազատել էին ալբանա-սերբական հակամարտության ժամանակ էթնիկ զտումներ իրականացնելու մեղադրանքից։ Այժմ Հարադինայը մասամբ ճանաչված Կոսովոյի Հանրապետության վարչապետն է։
