ԵՐԵՎԱՆ, 22 Նոյեմբեր — Sputnik. Նոյեմբերի 22-ին, ժամը 07:53-ին ահազանգ է ստացվել, որ Երևան-Մեղրի ավտոճանապարհին` Ազատ գետի կամրջի մոտ, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Այս մասին տեղեկացնում է ՀՀ ԱԻՆ մամուլի ծառայությունը։
Դեպքի վայր է մեկնել մեկ մարտական հաշվարկ:
Պարզվել է, որ ավտոճանապարհի Երևան-Երասխ հատվածի 22-րդ կմ-ի մոտակայքում «Hyundai Elisson» մակնիշի 60 GD 099 պետհամարանիշով (վարորդ՝ Ռ. Հ.) ավտոմեքենան դուրս է եկել ավտոճանապարհի երթևեկելի հատվածից և մի քանի պտույտ գլխիվայր շրջվելով հայտնվել դաշտում:
Մինչ փրկարարների՝ կանչի վայր հասնելը վարորդը տեղի ուժերով տեղափոխվել է Մասիսի ԲԿ, իսկ ուղևորները Արտաշատի ԲԿ, այնուհետև` Էրեբունի ԲԿ:
Shamshyan.com–ի տեղեկություններով՝ վրրավորներից 3-ը ՌԴ քաղաքացիներ են, 3-ը` ֆիլիպինցիներ:
