ԵՐԵՎԱՆ, 22 նոյեմբերի — Sputnik. Ռուսաստանի ժողովրդական արտիստ, աշխարհահռչակ օպերային երգիչ Դմիտրի Խվորոստովսկին մահացել է 55 տարեկան հասակում Լոնդոնում։
Ավելի վաղ երգչի մահվան մասին հայտնել էր երգիչ Դմիտրի Մալիկովը։
Խվորոստովսկու ընտանիքը հաստատել է նրա մահվան լուրը` հավելելով, որ նա մահացել է առավոտյան։
Խվորոստովսկին մահացել է տևական ծանր հիվանդության պատճառով։ 2015 թվականի հունիսի վերջին երգիչը, որն արդեն երկար տարիներ Լոնդոնում էր ապրում, հայտնել էր, որ ուղեղի քաղցկեղ ունի։
Խվորոստովսկու մահվան մասին տեղեկությունն ավելի վաղ էլի էր հայտնվել ԶԼՄ–ներում, սակայն երաժշտի կինը հերքել էր այն։
