«ԼՂ խնդրի վերաբերյալ այս համաձայնագիրը հստակ սահմանում է տալիս, որն ուղղակի համահունչ է ՄԽ համանախագահող երկրների կողմից 2000թ–ից ի վեր բազմիցս շեշտված այն տեսակետներին, որ խնդիրը պետք է կարգավորվի եվրոպական հելսինկյան եզրափակիչ ակտի 3 հիմնարար սկզբունքների գերակայությամբ։ Եվ այս առումով մեզ համար չափազանց կարևոր է, որ ԵՄ–ն իր 26 երկրների ստորագրություններով հաստատի, որ այդ սկզբունքներն իր համար գերակայություն են»,– ասում է Մինասյանը։
Նրա համոզմամբ սա էլ ավելի կարևորվում է հատկապես Կատալոնիայի, Քրդստանի ինքնորոշման գործընթացների ֆոնին, քանզի Եվրոպան ԼՂ խնդիրը կդիտարկի նույն հարթության վրա, կարծում է Մինասյանը։
«Մեր տեսակետն արդեն այդ 26 երկրների պաշտոնական տեսակետը կդառնա»,– ասում է պատգամավորը։
Հիշեցնենք, ԵՄ հետ «Համապարփակ և ընդլայնված գործընկերության համաձայնագրի» ստորագրումը նախանշված է նոյեմբերի 24-ին։
