Ողջույն տիեզերքից. Սևանա լիճը` ռուս տիեզերագնացի դիտակետից

ԵՐԵՎԱՆ, 20 նոյեմբերի — Sputnik. Ռուս տիեզերագնաց Սերգեյ Ռյազանսկին Սևանա լճի լուսանկարը հրապարակել է Facebook սոցիալական ցանցում։

«#Սևան`#լիճ Հայաստանում (գտնվում է 1900 մ բարձրության վրա), Կովկասի ամենամեծ լճերից մեկը»,- գրել է նա։

Հայ օգտատերերը շնորհակալություն են հայտնել գեղեցիկ կադրի համար։

Ռյազանսկին հաճախ է տիեզերքից նկարված լուսանկարներ հրապարակում։ Որոշ ժամանակ առաջ նա ներկայացրել էր նաև Արարատի ու Երևանի լուսանկարները։