ԵՐԵՎԱՆ, 20 նոյեմբերի — Sputnik. Դամասկոսում ահաբեկիչների ականանետային հրաձգության հետևանքով ռումբերից մեկն ընկել է Սիրիայում ՌԴ դեսպանատան պարիսպներից ներս` բնակելի համալիրի հարևանությամբ: Այս մասին հայտնում է Ռուսաստանի արտգործնախարարությունը:
122 մմ ականի պայթյունի հետևանքով վնասվել են շենքի պատերը, էլեկտրական գծերը և ջրամատակարարման համակարգը: Դեսպանատան անձնակազմի շրջանում տուժողներ չկան:
«Մենք կտրականապես դատապարտում ենք Դամասկոսի դիվանագիտական առաքելության դեմ ահաբեկիչների նոր հարձակումը: Ռուսաստանը բազմիցս հրավիրել է համաշխարհային հանրության ուշադրությունը զինյալների կողմից Սիրիայի մայրաքաղաքի ռմբակոծմանը»,- նշված է հայտարարության մեջ:
ՌԻԱ Նովոստիի տվյալով` Դամասկոսի և հարակից տարածքների արկակոծման հետևանքով տուժել են 22 խաղաղ բնակիչ։
