ԵՐԵՎԱՆ, 20 նոյեմբերի — Sputnik. ՌԴ ԱԳ նախարար Սերգեյ Լավրովն արդեն Երևանում է։
Լավրովին դիմավորեց ՀՀ ԱԳ նախարար Էդվարդ Նալբանդյանը։ Նրանք ողջագուրվեցին հենց ինքնաթիռի մոտ։
Министр ИД #РФ Сергей Лавров прибыл в #Ереван с официальным визитом. pic.twitter.com/RmvuxzY2uI
— MFA of Armenia🇦🇲 (@MFAofArmenia) 20 ноября 2017 г.
Օդանավակայանից Սերգեյ Լավրովն այցելեց Հայոց ցեղասպանության զոհերի հիշատակը հավերժացնող Ծիծեռնակաբերդ հուշահամալիր։ Այնտեղ նա անմար կրակի մոտ կարմիր և սպիտակ մեխակներով ծաղկեփունջ դրեց` Ռուսաստանի դրոշի գույներով ժապավենով փաթաթված։
Հուշահամալիրի ճանապարհին ՌԴ արտաքին գերատեսչության ղեկավարը ջրեց իր անվան եղևնին, որը նա տնկել էր դեռևս 2007թ.–ին։ Այն արդեն բավականին մեծացել էր։
Սերգեյ Լավրովի Հայաստան կատարած երկօրյա այցը հայ-ռուսական դիվանագիտական հարաբերությունների 25 ամյակի միջոցառումների շրջանակում է։ Նոյեմբերի 21–ին նա հանդիպում կունենա իր հայ գործընկերոջ հետ։ Նախատեսված է նաև Սերգեյ Լավրովի հանդիպումը նախագահ Սերժ Սարգսյանի հետ։
