ԵՐԵՎԱՆ, 19 նոյեմբերի — Sputnik. Հայաստանի հետ հարաբերությունները զարգանում են դինամիկ կերպով, ասել է Անդրբայկալյան երկրամասի նահանգապետ Նատալյա Ժդանովան, ով այցելել էր Ռուսաստանում Հայաստանի մշակույթի օրերի պատվին կազմակերպված ցուցահանդեսն ու վայելել համերգը, հայտնում է Անդրբայկալյան երկրամասի նահանգապետի մամուլի ծառայությունը։
Տոնակատարության կազմակերպիչներն էին Անդրբայկալյան երկրամասի նահանգապետի վարչակազմը, երկրամասի մշակույթի նախարարությունն ու «Ռուսաստանի հայերի միության» տարածաշրջանային բաժանմունքը։
Ժդանովան նշել է, որ Ռուսաստանի Դաշնությունուն Հայաստանի մշակույթի օրեր անցկացնելը հիանալի ու բարի ավանդույթ է։
«Երկար տարիներ շարունակ խստաշունչ անդրբայկալյան հողի վրա խաղաղ ու համրաշխ ավելի քան 100 ազգ են ապրում, որոնց շարքում հայկական համայնքը ամենախոշորներից է։ Դա նշամակում է, որ մենք իսկական ընկերներ ենք։ Մենք նույն նպատակն ունենք՝ հասնենք մեր երկրների բարօրության ու բարգավաճմանը․․․ Հայերը աշխատասեր, բարի ու իմաստուն ազգ են։ Մաղթում եմ ձեզ այդպիսին մնալ ու շարունակել տարածել այդ բարությունը», — ասաց նա։
Չիտայում Ռուսաստանի ԱԳՆ ներկայացուցիչ Ալեքսեյ Կոտելնիկովն ընդգծել է, որ այս տարի Ռուսաստանում Հայաստանի մշակույթի օրերը երկու իրադարձությունով են նշանավորում։
«Մենք Ռուսաստանի ու Հայաստանի հարաբերությունների երկու կարևոր օր ենք նշում։ Այս տարվա ապրիլին լրացավ Ռուսաստանի ու Հայաստանի միջև դիվանագիտական հարաբեորությունների հաստատման 25- ամյակը, իսկ օգոստոսին՝ բարեկամության, համագործակցության ու փոխօգնության մասին պայմանագրի 20-ամյակը», — նշել է Ալեքսեյ Կոտելնիկովը։
Ռուսաստանի Դաշնությունում Հայաստանի մշակույթի օրերի պաշտոնական բացումը կայացել է Մոսկվայում՝ Պետական Տրետյակովյան պատկերասրահում։
Միջոցառման նպատակն է Ռուսաստանի քաղաքացիների ուշադրությունը սևեռել երկրի ամենախոշոր համայնքներից մեկի մշակույթին։
