ԵՐԵՎԱՆ, 19 նոյեմբերի — Sputnik. Այսօր՝ նոյեմբերի 19-ին, ժամը 00։10-ի սահմաններում Ոստիկանության ծառայողները Գրիգոր Լուսավորիչ և Բեյրութի փողոցների խաչմերուկից Ոստիկանության Կենտրոնական բաժին են ներկայացրել մի քաղաքացու։ Պարզվել է՝ վերջինս Երևանի բնակիչ, 41-ամյա Մհեր Հակոբյանն է, ով փորձել է, Հաղթանակ կամրջից ցած նետվելով, ինքնասպան լինել։ Նա անգամ անցել է կամրջի վտանգավոր եզրագիծը։ Այս մասին տեղեկացնում է Shamshyan.com-ը:
Մ. Հակոբյանի ինքնասպանությունը կանխվել է Երևան քաղաքի Սարյան փողոցի բնակիչ, 17-ամյա Ռոբերտ Հովհաննիսյանի և Երևան քաղաքի Լեոյի փողոցի բնակիչ, 18-ամյա Գևորգ Վարդանյանի կողմից: Պատանիներին հաջողվել է Մ. Հակոբյանին բանակցությունների միջոցով հետ պահել այդ քայլից: Հետո տղաները նրան դուրս են բերել վտանգավոր եզրագծից ու արդեն տեղափոխել անվտանգ վայր:
Մ. Հակոբյանի ինքնասպանությունը կանխող Ռ. Հովհաննիսյանն ու Գ. Վարդանյանը սովորում են «Քվանտ» վարժարանում։
Փաստի առթիվ Ոստիկանության Կենտրոնական բաժնի հետաքննչական բաժանմունքում նյութեր են նախապատրաստվում։
