ԵՐԵՎԱՆ, 18 նոյեմբերի – Sputnik. Հայտնի ռուս երգչուհի Ելենա Եսենինան լուսանկարվել է հայկական տարազով:
Այժմ այդ լուսանկարը զարդարում է Facebook-ի նրա գլխավոր էջը: Կերպարի ստեղծման վրա աշխատել է «Մարաշլյան» ֆոտոստուդիան:
«Էմմա, կախարդական ժամ էր Ձեր հարմարավետ տանը: Շնորհակալ եմ Ձեր անհավանական արվեստի համար: Շնորհակալություն Քրիստինեին վարպետության համար: Երազում եմ անձամբ հանդիպել նրա հետ», — գրել է Եսենինան ֆոտոստուդիայի հիմնադիր Էմմա Մարաշլյանի գրառման մեկնաբանություններում:
Էմման, իր հերթին, շնորհակալություն է հայտնել Ելենային, որ հյուրընկալվել է իրենց և խոստովանել, որ «Աշոտի մասին երգը քթի տակ երգում է երեկոները»:
Եսենինային հրավիրել են Հայաստանում մի հետաքրքիր նախագծի մասնակցելու: Նրա խոսքով`շատ շուտով երկրի բնակիչները կկարողանան տեսնել նրա լուսանկարները Երևանի փողոցներում:
Նա շնորհակալ է նախախնամությանը «երկրորդ հայրենիք» ձեռք բերելու համար: Եսենինան չէր հավատում, որ կարճ ժամանակահատվածում հնարավոր է այդքան դիտում հավաքել համացանցում:
Ավելի վաղ Ելենան հատուկ Sputnik Արմենիայի համար տեսանյութ էր նկարահանել, որում հայտարարել էր #АшотпозвониЛеночке հեշթեգով ֆլեշմոբի մեկնարկի մասին` առաջարկելով ձայնագրել սեփական հոլովակը: Հայ տղամարդիկ անպատասխան չէին թողել Լենայի կոչը:
