ԵՐԵՎԱՆ, 17 նոյեմբերի – Sputnik. Անկարան հետ է կանչել իր 40 զինվորականներին, որոնք մասնակցում էին Նորվեգիայում նոյեմբերի 1–18 անցկացվող Հյուսիսատլանտյան դաշինքի զորավարժություններին։ Այս մասին տեղեկացնում է ՌԻԱ Նովոստին։
«Նրանք «թշնամիների» ցուցանակի վրա տեղադրել են Աթաթուրքի (Թուրքիայի Հանրապետության հիմնադիր) և իմ նկարները»,–հայտարարել է Էրդողանը` ելույթ ունենալով «Արդարություն և զարգացում» կուսակցության շրջանային կոմիտեների ղեկավարների հետ հանդիպմանը։
Նրա խոսքով զինվորականների վերադարձի որոշումը կայացրել է Թուրքիայի զինվորական գլխավոր շտաբի ղեկավարությունը, երբ իմացել են պատահածի մասին։ Որոշմանը հավանություն է տվել Թուրքիայի ղեկավարությունը. այն անփոփոխ կմնա անգամ եթե այդ ցուցանակը հանվի։
Իր հերթին ՆԱՏՕ–ի ղեկավարությունը ներողություն է խնդրել Անկարայից։ Նորվեգացի զինվորականին, որը փակցրել էր նկարները, հեռացրել են բանակից։
