ԵՐԵՎԱՆ, 17 նոյեմբերի — Sputnik. Հայաստանի խորհրդարանն առաջին (ոչ վերջնական) ընթերցմամբ ընդունել է նախագիծը, որը երկարացնում է «Զինծառայություն չանցած քաղաքացիների մասին» օրենքը։
2003 թվականին ընդունված օրենքով սահմանվում է, որ զինվորական ծառայությունից խուսափած անձինք, ում 27 տարին լրացել է, յուրաքանչյուր զորակոչից խուսափելու դիմաց պետք է վճարեն նվազագույն աշխատավարձի երկուհարյուրապատիկի չափով գումար (200 հազար դրամ), ինչը հնարավորություն կտա ազատվել քրեական հետապնդումից և վերադառնալ հայրենիք:
Քվեարկությունից առաջ «Ելք» խմբակցության քարտուղար Գևորգ Գորգիսյանը հայտնել է, որ խմբակցությունը դեռ «կողմ» է քվեարկում, բայց երկրորդ ընթերցման ժամանակ պնդելու է, որ վճարը հանվի կամ գոնե չբարձրացվի։
Նշենք, որ պաշտպանության նախարար Վիգեն Սարգսյանը դեմ է օրենքին։ Երբ ընդհանուր որոշում կայացվեց օրենքի երկարացման մասին, խորհրդարանական քննարկումներին սկսեց գալ նրա տեղակալ Արտակ Զաքարյանը։
