ԵՐԵՎԱՆ, 16 նոյեմբերի — Sputnik. «Հեռուստատեսության և ռադիոյի մասին» օրենքի նոր խմբագրությունը հստակ և խստորեն կորոշի եթերի սահմանափակումներն ու արգելքները։ Այդ մասին նոյեմբերի 16-ին կայացած կառավարության նիստին հայտարարեց արդարադատության նախարար Դավիթ Հարությունյանը։
Կառավարության հաստատած օրինագիծը, կրկին անդրադառնում է այս պահանջներին։ Այսպես, օրինակ, արգելվում է հեռարձակել իշխանության վրա հարձակում գործելու կոչերը կամ սահմանադրական կարգի տապալումը, քսենոֆոբիայի հրահրումը, ինչպես նաև հանցագործության, բռնության և պատերազմի քարոզչությունը։
Արգելված է (ինչպես նաև այժմ) պոռնոգրաֆիան, իսկ էրոտիկ և սարսափ տեսարանները, ինչպես նաև մտավոր զարգացմանը և երեխաների հոգեբանության համար վտանգ ներկայացնող տեսարանները հնարավոր կլինի հեռարձակել միայն մալուխային հեռուստատեսությամբ։ Հանրամատչելի հեռուստատեսությունը նման բովանդակության եթեր կարող է ունենալ միային 24։00-ից մինչև 6։00 ընկած ժամանակահատվածում։
Անբարոյականության և սարսափի չափանիշները պետք է սահմանվեին նույն օրենքի շրջանակներում։ Այժմ այս քիչ հաճելի աշխատանքը կհանձնարարեն ՀՀ Հեռուստատեսության և ռադիոյի ազգային հանձնաժողովին։
