ԵՐԵՎԱՆ, 13 նոյեմբերի – Sputnik. Իրանի Քերմանշահ նահանգի Ազգալե բնակավայրի հարակից տարածքում տեղի ունեցած ավերիչ երկրաշարժի փրկարարական աշխատանքներին աջակցելու հարցում Հայաստանը պատրաստակամություն է հայտնել։ Սա պաշտոնապես հայտարարել է վարչապետ Կարեն Կարապետյանը։
ՀՀ ԱԻՆ մամուլի ծառայությունից Sputnik Արմենիային հայտնեցին` 47–50 հոգանոց փրկարարական թիմը կազմ ու պատրաստ սպասում է հրահանգին։ Հենց հանձնարարեն, թիմը կմեկնի Իրան։
Այս պահին Իրանի կողմից խնդրանք չի հնչել իրենց փրկարարական ուժերին աջակցելու հարցում։
