ԵՐԵՎԱՆ, 12 նոյեմբերի — Sputnik. Միացյալ Նահանգների նախագահ Դոնալդ Թրամփը «հիմար և չարակամ» է անվանել բոլոր նրանց, ովքեր դեմ են ԱՄՆ-ի և ՌԴ-ի լավ հարաբերություններին: Այս մասին նա գրել է Twitter-ի իր էջում:
«Երբ պետք է բոլոր հիմարներն ու չարակամները հասկանան, որ Ռուսաստանի հետ լավ հարաբերություններ ունենալը դրական է: Ես ցանկանում եմ լուծում տալ Հյուսիսային Կորեայի, Սիրայի, Ուկրաինայի ճգնաժամերին, ահաբեկչությանը խնդիրը լուծել, և Ռուսաստանը շատ լավ կարող է օգնել այս հարցում»:
When will all the haters and fools out there realize that having a good relationship with Russia is a good thing, not a bad thing. There always playing politics — bad for our country. I want to solve North Korea, Syria, Ukraine, terrorism, and Russia can greatly help!
— Donald J. Trump (@realDonaldTrump) 12 ноября 2017 г.
Բացի այդ, Թրամփն ընդգծել է, որ Ասիական-Խաղաղօվկիանոսյան տնտեսական համագործակցության գագաթաժողովի ժամանակ Պուտինի հետ իր հանդիպումը լավ անցավ:
«Հանդիպեցի ՌԴ նախագահի հետ, ով նույնպես Ասիական-Խաղաղօվկիանոսյան տնտեսական համագործակցության գագաթաժողովի էր մասնակցում: Սիրիայի ճգնաժամի մասին կարևոր քննարկում ունեցանք: Նրա և Չինաստանի օգնության վրա հույս ունեմ՝ Հյուսիսային Կորեայի հետ վտանգավոր ճգնաժամը լուծելու համար», —գրել է Թրամփը:
Met with President Putin of Russia who was at #APEC meetings. Good discussions on Syria. Hope for his help to solve, along with China the dangerous North Korea crisis. Progress being made.
— Donald J. Trump (@realDonaldTrump) 12 ноября 2017 г.
Ավելի վաղ ԱՄՆ առաջնորդն ասել էր, որ Ամերիկայի և Ռուսաստանի համաձայնության գալը կօգնի Սիրիայում շատ կյանքեր փրկել: Բացի այդ նա նշել էր, որ Ասիական-Խաղաղօվկիանոսյան տնտեսական համագործակցության գագաթաժողովի ժամանակ նա մի քանի կարճ հանդիպում է ունեցել Պուտինի հետ, որից հետո երկուսի մոտ էլ ջերմ հիշողությւոններ են մնացել:
