ԵՐԵՎԱՆ, 11 նոյեմբերի — Sputnik. Հայկական ծագում ունեցող ռուսաստանցի գեղասահորդ Եվգենիա Մեդվեդևա – Բաբասյանը որպես սեզոնի առաջատար է իրեն դրսևորում, Р-Спорт-ի հետ հարցազրույցում ասաց 2002 թվականի օլիմպիական խաղերի արծաթե մրցանակակիր Իլյա Ավերբուխը։
Շաբաթ օրը Մեդվեդևան Գրան-պրի է նվաճել ճապոնական Օսակայում ու ապահովել իր մասնակցությունը եզրափակչում։ Ազատ ծրագրում աղջիկն ընկել է եռակի ֆլիպից վայրէջք կատարելու ժամանակ, նաև վրիպակ է թույլ տվել եռակի լուտցի ընթացքում։
Աբերբուխի կարծիքով՝ գեղասահորդը դեռ իր լավագույն մարզական վիճակում չէ, բայց կհասնի դրան մինչև փետրվար՝ օլիմպիական խաղերի ժամանակ։
«Ուզում եմ շնորհավորել Ժենյային։ Օլիմպիական սեզոնը միշտ շատ նյարդային է, պետք է հաշվի առնել այդ լարվածությունը։ Հատկապես, որ նա արդեն աշխարհի կրկնակի չեմպիոն է»,- ասաց Ավերբուխը։
Նա նշեց, որ Ժենյան կարողանում է տիրապետել իրեն ու հաղթում է։
