ԵՐԵՎԱՆ, 10 նոյեմբերի — Sputnik. Ջիգարխանյանը օգնության ու փրկության կարիք ունի` շաքարային դիաբետից, սթրեսից ու «անասնական» պայմաններից, որոնցում նա ստիպված է ապրել, պնդում է հայտնի դերասանի կինը Ռուսաստանի նախագահ Վլադիմիր Պուտինին ուղղված նամակում։
Ռուսաստանի նախագահ Վլադիմիր Պուտինին ուղղված նամակը, որը հայտնվել է Նորությունների ազգային ծառայության ձեռքերում, հայտնի դերասան Արմեն Ջիգարխանյանի կնոջ` Վիտալինա Ցիմբալյուկ–Ռոմանովսկայայի անունից ուղարկել է Էլինա Մազուրն ու լրագրող Նատալյա Կորնեևան։
Նամակում Վիտալինան խնդրում է երկրի նախագահին խառնվել իրարանցմանը, որի մեջ հայտնվել է նրա ամուսին` Ռուսաստանի ժողովրդական արտիստ Արմեն Ջիգարխանյանը։
«Հարգելի Վլադիմիր Վլադիմիրովիչ։ Արմեն Բորիսովիչն արդեն մի ամիս է, ինչ կյանքի համար անբարենպաստ պայմաններում է գտնվում, ու այդ ամենը կարող ողբերգական հետևանքներ ունենալ», – ասված է նամակում։
Նա ընդգծել է, որ դերասանը մի խումբ մարդկանց ազդեցության տակ է ընկել` Արթուր Սողոմոնյանի գլխավորությամբ, որին հաջողվել է Ջիգարխանյանին կնոջ դեմ տրամադրել, ինչից հետո նա սկսել է ամուսնալուծություն պահանջել։
«Ռոմանովսկայան հեռախոսով սպառնալիքներ էր ստանում Ջիգարխանյանի «ընկերներից։ 2017 թվականի հոկտեմբերի 19–ին Վիտալինա Ցիմբալյուկ–Ռոմանովսկայան հանգամանքների ճնշման տակ դիմում է գրել ու հեռացել է թատրոնից», – ասված է նամակում։
Նամակի հեղինակները` հղում անելով բաց աղբյուրներին, պնդում են նաև, որ Սողոմոնյանը կապ ունի ունեցվածքի գրավման և այլ աղմկահարույց դեպքերի հետ։ Նա «հովանավորի» տեսքով տարիներ շարունակ օգտագործել է Ջիգարխանյանին` թատրոնը գումարը կանխիկացնելու համար։
Նամակի հեղինակները պնդում են, որ հենց Սողոմոնյանն է մամուլում աղմուկ բարձրացրել, իբր վատ կինը թալանել է ծեր ամուսնուն, որպեսզի հասարակության ուշադրությունը շեղի սեփական անձից։
«Ջիգարխանյանն ապրում է թատրոնում հակասանիտարական պայմաններում, առանց հարմարությունների ու անհրաժեշտ բժշկական հսկողության… Շաքարային դիաբետի ծանր ձևի, նրա ներկայիս սթրեսի ու «անասնական» պայմանների պատճառով դերասանը օգնության ու փրկության կարիք ունի», – ասվում է նամակում։
Ջիգարխանյանի ընտանիքում սկանդալը մի քանի շաբաթ առաջ է սկսվել։ Ամուսինները վիճել են, Ջիգարխանյանը լքել է կնոջն ու անհայտ ուղղությամբ գնացել։ Շուտով պարզվել է, որ նա հիվանդանոցում է ։ Դերասանը կնոջը գողոթյան մեջ է մեղադրել ու հայտարարել, որ մտադիր է ամուսնալուծվել։ Հիմա Վիտալինան գտնվում է Թբիլիսիում։
