ԵՐԵՎԱՆ, 10 նոյեմբերի — Sputnik. «Հայկական տապասն» ընդգրկվել է ուտեստների թոփ տասնյակում, որոնք կներկայացվեն Մոսկվայում անցկացվող Food Show 2017 փառատոնում։ Այս մասին նշված է փառատոնի կայքում։
Փառատոնը կանցկացվի դեկտեմբերի 2-3-ը Մոսկվայի «Սոկոլնիկի» մշակույթի և հանգստի զբոսայգու ցուցասրահային կենտրոնում, որտեղ կհավաքվեն Ռուսաստանի, Վրաստանի, Հայաստանի, Ֆրանսիայի, Ճապոնիայի, Թաիլանդի, Իտալիայի, Պերուի, Շոտլանդիայի և Սան-Մարինոյի մասնագետները։
Հայաստանը կներկայանա խոհարար Գայանե Բրեիովայի «Հայկական տապաս» ուտեստով, որը ազգային կոլորիտով մինի ակրատ է։
Փառատոնի գլխավոր միջոցառումը կլինի վարպետության դասը, որի ընթացքում տարբեր ռեստորաններ ներկայացնող հարյուրավոր մարդիկ միաժամանակ ուտեստներ կպատրաստեն։
Food Show-ի ընթացքում կպատմեն այն մասին, թե ինչ է պետք անել ֆուտ-բլոգեր, ֆուդ-ոճաբան կամ ռեստորատոր դառնալ, ինչպես լուսանկարել ուտեստները և որտեղ սովորել շեֆ խոհարարի և սոմելիեի մասնագիտություն ձեռք բերելու համար։
