ԵՐԵՎԱՆ, 9 նոյեմբերի — Sputnik. Գյումրու Շահինյան 4 ա շենքի 5-րդ հարկից այսօր մի կին է ընկել: ՀՀ ոստիկանության հասարակայնության հետ կապի և լրատվության վարչությունից հաստատեցին տեղեկությունը` հայտնելով, որ նա անմիջապես մահացել է։
«Դեպքի վայր մեկնած օպերատիվ խումբը պարզել է, որ նշված քաղաքացին 1936-ին ծնված Նինա Մ.-ն է, ով, ըստ նախնական տվյալների, լվացքը հավաքելու ժամանակ ընկել է և տեղում մահացել»,-ասացին ՀՀ ոստիկանության հասարակայնության հետ կապի և լրատվության վարչությունից։
Նշանակվել է դատաբժշկական փորձաքննություն, կատարվում է քննություն:
