ԵՐԵՎԱՆ, 9 նոյեմբերի — Sputnik. ԱՄՆ արդարադատության նախարարությունը RT America-ից պահանջել է մինչև նոյեմբերի 13-ը գրանցվել որպես արտասահմանյան գործակալ։ Հայտարարությունը մեկնաբանել է RT-ի գլխավոր խմբագիր Մարգարիտա Սիմոնյանը։
«ԱՄՆ-ի արդարադատությունը մարդակերի դեդլայն է սահմանել։ Զգո՞ւմ եք` ինչպիսի ազատություն է»,- գրել է Սիմոնյանը։
Симоньян назвала "людоедским" дедлайн регистрации иноагентом @RT_America https://t.co/lODqS7ObpK pic.twitter.com/I9DnILGvys
— РИА Новости (@rianru) 9 ноября 2017 г.
Սեպտեմբերի սկզբին ԱՄՆ Կոնգրեսի ներկայացուցիչների պալատի անդամ, դեմոկրատ Դևիդ Սիսիլինն առաջարկել էր RT հեռուստաընկերությունը որպես արտասահմանյան գործակալ գրանցել։
Ավելի ուշ ԱՄՆ արդարադատության նախարարությունը պարտադրել էր, որ RT America հեռուստաալիքը սպասարկող ընկերությունը որպես արտասահմանյան գործակալ գրանցվի։ RT-ի գլխավոր խմբագիրն այն ժամանակ հայտարարել էր, որ Ռուսաստանի պատասխանը չի ուշանա։
ԱՄՆ-ի այս քայլը մեկնաբանել էր նաև ՌԴ ԱԳՆ-ի պաշտոնական ներկայացուցիչ Մարիա Զախարովան` հայտարարելով, որ ԱՄՆ-ն իր այդ պահանջով սահմանափակում է խոսքի ազատությունը։
