ԵՐԵՎԱՆ, 9 նոյեմբերի — Sputnik. Տորոնտոյի միջազգային կինոփառատոնի ղեկավարությանը տպավորել է մարսելցի ռեժիսոր, սցենարիստ ու պրոդյուսեր Ռոբեր Գետիկյանի «Վիլլա» ֆիլմը, գրում է ամերիկյան The People's World ամսագիրը։
Ֆիլմը ներկայացվել է Տորոնտոյի միջազգային կինոփառատոնին։
«Վիլլա» ֆիլմը նկարահանվել է 2017 թվականին, պատմում է մի ծերացող մարդու երեխաների մասին, որը ռեստորան ունի Մարսելում։ Հաստատությունը կառավարում է նրա ավագ որդին։ Հերոսները ստիպված են իմաստավորել իրենց ծնողների իդեալների բախումը ժամանակակից նոր մարտահրավերների` ծովի այն կողմից եկող գաղթականների հետ։
Պարբերականը գրում է, որ փառատոնի հեղինակներն այս ֆիլմը լավագույններից մեկն են համարում, քանի որ Գետիկյանի ֆիլմերից շատերը պատմական իրադարձություններ են շոշափում։ Նրա նախորդ ֆիլմը՝ «Խելագարի պատմությունը», պատմում է Հայոց ցեղասպանության մասին:
Կինոփառատոնի ղեկավարները կարծում են, որ «Վիլլա» ֆիլմը հոգեբանական գիտություն է, որտեղ յոթ կերպարները ներկայացնում են աշխարհի խնդիրները։
