Կարեն Ավագյան
«Այս օրենքը միանշանակ հնարավորություն տալիս է այն ուսանողներին, ովքեր ուզում են կրթություն ստանալ։ Դրա ընթացքում հնարավորություն կստանան սպա դառնալու դասընթացներին էլ մասնակցել, իսկ ավարտելուց հետո կունենան կրթություն, մասնագիտություն և սպայական կոչում»,- ասաց Ավագյանը։
Նրա խոսքով` դասադուլ հայտարարած ուսանողները երեկ հնարավորություն են ունեցել մասնակցելու ՀՀ պաշտպանության նախարար Վիգեն Սարգսյանի հետ հանդիպմանը, սակայն հետո հրաժարվել են հանդիպումից։ Թե ինչու են հրաժարվել, ինքը չգիտի։ Ամեն դեպքում այս առիթը, ըստ նրա, կարևոր էր ավելի լիարժեք հասկանալու օրենքն ու դրա հնարավորությունները։
